阿雷馬駐港女球迷Aremanita

上星期帶大家去食過肉丸，今個星期，繼續帶大家了解下阿雷馬's 駐港女球迷(Aremanita)。

早於上星期，Aremanita已經收到風，知道阿雷馬今日大約兩點半會從印尼泗水飛黎香港，於是佢地神早吹定雞，印定橫額旗幟準備迎接。

其實相聚之係例行公事，只係將主場由維園搬左入機場。

相對印象中的東南亞球迷，可能佢地現場睇波唔多，只有尖叫，反而較小唱歌。
還好，佢地知道不停高八度尖叫會嘈到拆天，所以幾名大家姐不停做出「殊殊」手勢，保持安(冷)靜。

未到兩點半，佢地已經喺接機大堂B區一字排開，「Welcome to HK」橫額，旗幟，獅子毛公仔，頸巾出動，氣勢迫人。

沿住一字排開嘅人鏈後，迎來係一條以阿雷馬旗幟圍成既通道，當然球員未抵港時，只有無數旅客接受這般款待。

呆呆地等，都未見影，開始攰了，就地坐低啃一口雞脾。
大概有幾位成員剛剛黎香港做野，唔太識中文更唔多識英文，鄉下習慣未戒掉，攰了，就席地而坐，大家姐來港多年知道香港社會唔容許咁做，於是立刻提醒叫佢地起身，以免失禮。

其實印尼女傭極力改變自己黎融入香港社會，我地 又如何對待佢地呢?
星期三見到佢地不妨揮手打個招呼，然後開左波，我地先用聲大大嘅打氣聲黎揮低佢地吧！

Read More

我們的足球場：共同的夢想

香港有不少人都羨慕日本的球場氣氛，在今年賀歲盃中，FC東京的球迷正正吸引了大家的目光。

在這群東京球迷裡，植田朝日可算是其中一位中堅分子。他是日本國家隊及FC東京的死忠球迷，多年來追隨球隊到世界各地作賽，亦曾多次到訪香港。在許多香港人眼中不值一提的香港足球，植田反而認為它有著無比的吸引力，又認為supporter group的出現有助興盛足球市道。

植田又鼓勵香港本地球迷，繼續力撐香港足球，夢想著香港足球會變得更好：「亞洲足球有我們一起推動的話，可能會變得更好呢，所以一起努力唱吧。」

香港人，其實美好的東西一直在我們身邊。只要我們願意行動，旺角場的聲勢絕不比東京味之素弱的。

「大家都是足球迷，一起加油吧！」

音樂：Chant of F.C.TOKYO TOKYO koso subete
旁白：Wing
翻譯：秋田

Read More

阿積士球迷：用行動守護傳統

作為一支球隊的支持者，相信沒有誰希望球隊隊章改來改去。

在過去的週日，多個阿積士supporter group發起了近年首次的全方位宣傳行動，希望阿姆斯特丹市內的人民，都可以支持回復1928年開始使用的舊隊章。

舊隊章是隨著球隊由 Football Club Ajax 改名做 AFC Ajax 時開始使用，設計核心是希臘神話人物 Αἴας （大埃阿斯） ，大埃阿斯是僅次於阿基里斯的希臘第二戰神，戰鬥時英勇無比。

這隊章代表了阿積士的崛起，亦見證了阿積士在七八十年代最光輝的日子，但在1990年遭到會方簡化。

Read More

大球場管理公司做嘢認真少少好唔好?

大球場呢樣唔得果樣又唔比，林林總總司徒法正都化解唔到既事，相信由球員、職員、記者、球迷都好唔滿意，只不過係官僚制度下投訴無門咁解。

最近賀歲波除左有球員、記者係影捧杯相時被趕令人十分扯火之外，仲有半主隊昆卡職員想掛球隊banner時被阻止，搞到昆卡十分無癮。係足球場有球迷、支持者為球隊打氣好正常，打得氣就自然要將球場佈置得好好睇睇，形造一個主場氣氛，咁banner就一定要有架啦。但係昆卡職員都未將banner掛起，已經五六七個保安走埋去話唔可以唔可以，因為係大球場掛banner唔可以闊過一個鐵馬，最終昆卡職員只能upset地將條banner灘係地上，比穌哥佛祖睇喇。

但點解唔比闊過一個鐵馬呢？危險咩？唔清楚，可能怕人收banner時用魔術變走隻鐵馬掛。上到康文署個大球場官網，就有十二條條例及守則放左係到，當然係唔Q關事。始作佣者係個鐵馬，但點解大球場整個低層觀眾席都有鐵馬呢？唔通出左名好靜既香港球迷好危險？反南烈士見到陳七踢得太好，可能會衝入場咀佢一野，等佢失晒魂？唔知道。

大球場好多野都唔比，但往往你只會得到一個笑唔出既原因，或者永遠唔會知點解唔比。其實外國球場好多野都明文規定，好似橫濱水手主場，屬於橫濱市政府既日產球場咁，不過對於球隊banner並唔需要透過球隊特別申請，只係規定左幾樣野：

‧橫額不可遮蓋廣告版
‧不可展示有誹謗中傷標語的橫額
‧不可在不能進入的範圍展示橫額
‧若橫額遮蓋其他觀眾視線，請跟職員指示移動橫額
等等

另外賽會方面亦只係統一限制左幾樣野：
‧不可在非指定場所外展示橫額
‧大型旗幟不可遮蓋廣告
‧不可向草地使用擴音器，或用擴音器向第三者叫罵
‧不可站在椅子上打氣
等等

條例係清清楚楚寫到明，不過只要唔涉及遮蓋廣告或者危險事情，好多野基本上係默許的。所以大家可以睇到日本球場banner周圍都係，氣氛好到不得了。因為球場係用黎上演一場足球比賽，一切都應該以足球本質為核心，球場事當然要用球場內既方式解決。球隊落力做宣傳吸引球迷、球員盡力比賽踢好波爭取成績、球迷盡力為球隊打氣製造氣氛，呢個係球場入面做事既唯一方向。係足球場入面既足球人係有信念有目標，會為喜歡既事盡力做到最好。所以係絕對唔會認同以方便管理，少做少錯唔做唔錯既做事態度。

最後一句，大球場你地既做事態度令我地感到十分之惡心。

Read More

只有上海兩字 才配得起申花

申花，上海申花，一個香港球迷耳熟能詳的名字，一個曾經完全代表著上海足球的代名詞。但當她和杜奧巴、安歷卡一起走了一段時間之後，申花更多時候代表住負債和不專業。到了今天，她更被以地產為主業的綠地集團所收購，改名、改隊章已事在必行。

一般中國球隊，每當換贊助時，也就會換名字，上海隊也不例外。1994年，上海隊參加職業化後的甲A聯賽，上海申花電器集團為球隊贊助，所以上海隊 「順理成章」地成為了上海申花。之後的十多二十年裡，老板來來去去更名不斷，只是好歹的保留住申花二字在新贊助的名字之後。

到了零七年，一位叫朱駿的私人企業家將上海申花的大部分股權收歸旗下，這老板為申花帶來的當然是老板足球，凡事以他喜好作決定，土產球員多成產品外銷，最後更因杜奧巴、安歷卡的薪水而弄得球會債台高築，難以營運。經過一輪風吹草動之後，綠地集團伸手出來，將申花部分資產收購（以避免負債牽連到綠地身上），改以「上海綠地足球會」之名註冊中超，而參賽球隊名字則是「上海綠地申花」。

對於足球會的註冊名字失去「申花」二字，不少當地球迷都感到憤怒和不能接受，因為經過了二十年的高低起跌，「申花」二字對於申花球迷來說已不是一家電器廠的名字，而是「申城之花」（申城是上海的別稱）。「申花」 是他們的球隊，他們的信仰。同時，也認為綠地有可能溫水煮蛙，慢慢甩掉申花本身的。因此，多個申花球迷組織已向綠地集團發表聯合聲明，表示要求綠地保留申花一切歷史傳統。

申花現在落得如此情況，很大程度因為中國足球欠缺制度，老板對足球文化也欠缺認識和尊重。

我們認為，申花在一個如此光怪陸離的時代中，難得地累積起了一些精神、文化及歷史，是絕對應該得到應有的尊重，並將所以延續下去。因為我們堅信，足球不只是一種運動，球隊也不只是一個踢球的團隊。隊章、隊色都包含住球隊所在地的人文文化和歷史和傳統。對於這些非物質價值，任何球隊的支持者都應該全力捍衛，也絕不應認同老板可以完全主宰球隊。

所以大球場道對於申花易名一事，也作出無條件聲援！不論存在著任何技術性問題，上海申花都應該是上海申花！

另外，對於在資金面前跪低，不理球隊傳統，不理球隊未來，不經思索就輕易地將球隊交到新老板、新贊助手上的一些球隊管理層，我們予以最強烈的譴責！或許你們不需承擔任何實質責任，但歷史自有公論， 歷史會記住是你們的錯誤決定令球隊走上了不歸路，是你們令支持者失望， 是你們令球隊名譽掃地。

Read More

我們的足球場：不再孤單的流浪夢

近年，不少港甲球開始將球隊重迎包裝，部分更請來「打氣babies」吸引球迷入場。與此同時，港甲亦有一些球隊沒有進行龐大的市場推廣，一如以往由球迷肩負起推廣球隊的責任，其中一隊正是亞洲首支職業球會、成績載浮載沉的流浪（標準流浪）。

2007年開始入場的盧仔被這支以年青球員為主的球隊吸引，自行組織「 League of Rangers - 流浪同盟」支持球隊。由於流浪本身球迷不多，流浪同盟早年幾乎就只得盧仔一人，在球場被稱為「一人打氣團」。直到今天，盧仔依然在看台上努力，更帶領一批新球迷為流浪打氣。雖然沒有獎盃，卻贏得其他球迷掌聲與尊重。

音樂：流浪同盟 - 李卓庭

Read More

球迷杯葛 新加坡聯賽入座率每況愈下

唔知大家仲記唔記得我地第三期既新加坡足球專題。

今日亞冠外圍賽，淡賓泥流浪對南華只有一千鬆啲人入場，但前一日既馬來西亞足總盃，LionsXII主場就有超過五千人入場。

其實淡賓尼並唔係冇球迷，佢地甚至有球迷組織 The Yellow Bridge ，但因為新加坡足總屬意最高水平既本地球員參與LionsXII，因此本地聯賽S League就成為球員水平參差既競技平台。

此舉引來支持本地聯賽既球迷十分不滿，The Yellow Bridge甚至支持國家隊既Lions All The Way決定杯葛國家隊賽事，直至2015LionsXII參與馬超合約結束為止，以示不滿。

大家打開大球場道第三期，The Yellow Bridge成員Muhammad Arief就親自撰文解釋有關問題。

Read More

鳳凰不死銀牌賽

香港高級組銀牌，係亞洲歷史最悠久既足球錦標賽
究竟盾牌上面既設計有乜野意思，今日就同大家解構下

今時今日大家見到既高級組銀牌，係二戰後既產物，都有六七十年歷史，盾上面係一隻雄壯既鳳凰，從烈焰之中飛翔，取自中國古典傳說「鳳凰涅槃」，另外火焰下面寫住「1941 RESURGO 1945」，拉丁文係「復興」既意思，夾埋就係1945年香港重光，香港要火鳳重生！

設計人係當時香港郵政署長鍾惠霖先生 (William E. Jones)，淪陷時期佢被囚禁喺赤柱集中營，初稿就喺營內偷偷繪畫出黎。

高級組銀牌既鳳凰只係設計既一部份，其實成個設計仲包括兩句漢字「鳳鳥復興 漢英昇平」，用黎告誡後世永遠都唔好忘記呢段恥辱既日子，設計仲用左黎發行香港重光後第一套郵票。

近十年高級組銀牌都冇一隊可以衛冕，仿佛提醒緊大家，每一隊都唔可以鬆懈，每一隊都要盡力作賽，香港足球先可以鳳鳥復興！

聽日大家入場不仿望多幾眼，睇下邊隊可以舉起個冠軍盾牌喇！

#lovehkfootball
#撐香港足球

Read More

一人一理由 撐香港足球

「這是最好的時代，這是最壞的時代」－《雙城記》 狄更斯

在「假波」疑雲下，這個星期的球壇風雨飄搖。在風雨下，香港足球更需要球迷的支持和鼓勵，才能走出陰霾。作為本地足球支持者，更要堅持我們的熱情和擁戴，用行動告訴全港市民「我們沒有放棄香港足球」！

星期六傑志與標準流浪將於旺角場進行甲組聯賽補賽，而星期日南華與太陽飛馬更會於大球場爭奪高級組銀牌錦標，乙組、丙組、丁組、青年聯賽及女子聯賽亦有賽事於各區球場上演。

《大球場道》呼籲各位球迷入場之餘，大家亦可以在球場穿上球衣、手持球票拍照，並加上一句支持香港足球的說話及Hashtag「#lovehkfootball」或「#撐香港足球」，上傳到Facebook或Instagram，告訴你的親友，香港足球仲有人睇！

另外，《大球場道》將會以「打游擊」的方式在球場進行拍攝，邀請球迷們著上本地球會波衫，對著鏡頭講出一人一個撐本地波的理由。到時見！

2013-1-11 (六) 17:30 旺角大球場
傑志對標準流浪 甲組聯賽

2013-1-12 (日) 13:30 湖山遊樂場
港會對和富大埔 足總盃初賽季軍戰

2013-1-12 (日) 15:30 湖山遊樂場
駿其天旭對葵青 足總盃初賽決賽

2013-1-12 (日) 16:00 香港大球場
南華對太陽飛馬 高級組銀牌決賽

Read More

我們的足球場：敢動香港

大家都是香港人，你敢，我動，這就是香港精神。「香港力量」多年來一直都在看台上為港­隊打氣，為冷清的球場帶來聲音之餘，亦利用足球重塑我們的香港精神。不過，球員是怎樣­看待這班球迷呢？

音樂：新青年理髮店 - 敢動
嗚謝：肥牛、Lokki、Matthew Ma、Leon Wong、Mandy Yau

Read More