上星期帶大家去食過肉丸，今個星期，繼續帶大家了解下阿雷馬's 駐港女球迷(Aremanita)。
早於上星期，Aremanita已經收到風，知道阿雷馬今日大約兩點半會從印尼泗水飛黎香港，於是佢地神早吹定雞，印定橫額旗幟準備迎接。
其實相聚之係例行公事，只係將主場由維園搬左入機場。
相對印象中的東南亞球迷，可能佢地現場睇波唔多，只有尖叫，反而較小唱歌。
還好，佢地知道不停高八度尖叫會嘈到拆天，所以幾名大家姐不停做出「殊殊」手勢，保持安(冷)靜。
未到兩點半，佢地已經喺接機大堂B區一字排開，「Welcome to HK」橫額，旗幟，獅子毛公仔，頸巾出動，氣勢迫人。
沿住一字排開嘅人鏈後，迎來係一條以阿雷馬旗幟圍成既通道，當然球員未抵港時，只有無數旅客接受這般款待。
呆呆地等，都未見影，開始攰了，就地坐低啃一口雞脾。
大概有幾位成員剛剛黎香港做野，唔太識中文更唔多識英文，鄉下習慣未戒掉，攰了，就席地而坐，大家姐來港多年知道香港社會唔容許咁做，於是立刻提醒叫佢地起身，以免失禮。
其實印尼女傭極力改變自己黎融入香港社會，我地...
